KHUFIA SADQAY KI TAQAT

Hazrat Anas(RA)kehtay hain ke RASOOL ALLAH(SAW)ne farmaya ke jab ALLAH TAALA ne zameen ko peda farmaya to hilnay lagi,ALLAH TAALA ne us per paharron ko peda farmaya to wo barqarar ho gai to farishton ko paharron ki taqat se bohat taajjub hua aur unhon ne arz kia ke aye PARWARDIGAR! kia teri makhlooqat mein paharr se ziada taqatwar koi chiz he?to IRSHAD E BAARI TAALA hua haan,loha he to farishton ne kaha ke kia lohay se bhi ziada taqatwqr koi makhlooq he?to farmaya han aag he to farishton ne kaha ke kia teri makhlooq mein aag se bhi ziada taqatwar koi chiz he? to farmaya ke han!pani he to farishton ne kaha ke kia pani se bhi ziada taqatwar koi makhlooq he? to farmaya ke han!hawa he to farishton ne kaha ke kia teri makhlooqat mein hawa se barrh kar taqatwar koi chiz he? to farmaya ke han! ibn e adam ka wo sadqa jis ko wo apnay dahinay hath se bhi chupaye(yani khoob chupa kar sadqa de)
(mishkat,jild 1page 170/bahawala e tirmizi)
TABSARA:
Hadis ka matlab ye hay ke paharr, loha, aag, pani,hawa ye sab agarche bohat hi taqatwar makhlooqat hein- magar balaaon aur musibaton ko jis tarha ibn e adam ka chupa hua sadqa taal deta he na paharr taal saktay hain na lohay ke hathiar ,na aag ke alaao na pani ke selab na aandhion ke toofan, lihaza sabit hua ke in sab se ziada taqatwar chiz musalman ka wo sadqa he jis ko wo is tarha chupa kar de ke apnay dahinay hath se de to bayen hath ko is ki khabar na ho-kionke balaon aur musibaton kotaalnay aur rafa karnay mein sab se barrh kar taqatwar yehi sadqa he-kionke baras ha baras ka apna aur apnay buzurgon ka yehi tajarba he ke jab kisi bimari ki balaon aur wabaon ka zor hua ya selab aagaya ya taweel musladhar barish ka silsila shuroo ho gaya to awam aur hukoomat ki poori koshishon aur tadbeeron aur har qism ke ke ilaj o mualjay ke bawajud ye wabain aur balain khatm na huyen-magar jab sadaqaat kiay gaye to ARHAM-AR-RAHIMEEN ka aisa rehm o karam zahir hua ke dekhtay dekhtay aik dam ye sari wabain aur balain door ho gayen-HUZOOR PAAK(SAW)ka irshad e girami he ke!!!'' SADAQAY SE KHUDA KE GHAZAB KI AAG BUJH JATI HE'' yani bandon ke sadqay karnay khususan chupa kar sadqadenay se ALLAH TAALA apnay qehr o jalal ko zahir farmanay ke bajaye khush ho kar apnay rehm o karam ki tajjali farmata he aut us ke rehm o karam ka zahoor hotay hi sari wabain aur balain door ho jati hain.

duaon ki talib
zarnigar