NAAT MEIN MUBALGHAY KI TASHREEH

Naat mein mamdooh ki sifaat o muqamaat ke bayan mein choonkay kamtar az haqeeqat muqam e mamdooh he is liye wo mubalgha nahin rehta-
hamaray is qoul ki tayeed mein qaseeda burdah shareef ke do shair dekhiye
tarjuma:-Huzoor Nabi e Kareem(Sallalah o Alaih e Wasallam)ko wo na kaho jo nasara ne(Khuda ka beta)kaha,apnay nabi(Hazrat Eesa Alaih es salam)ke liye is ke siwa jo bhi izzat azmat ke kalmaat mumkin hon bila jhijak kah do aur jo hukm chahay lagao"

AIK AUR FARQ:-Shayer ka qalb mamdooh ki sana ki khushboo se mehek uthta he,dil e bina naseeb hota he-Ishq e walehana ki kashish sadaqat ki manzil tak le ja kar FATTAB E OONI ka taaruf karati he-Josh e aqeedat e qalb ke khalwat kaday se chal kar itaat o itteba e rasool ke aastanay par sajda raiz ho jata he is ki ye ada(naat goi)is ka ye amal khallaq e do jahan ko itna pasand ata he ke wo usay apna mehboob bana leta he aur ye muqam sirf naat he-

QUL IN KUNTUM TUHIBBOON ALLAHA FATTAB E OONI YUHBIBKUM ULLAH

Ghazal mein jo khayal pesh hota he is mein mehboob se guftugoo mein adab o ehteram ki pabandi nahin-Agarchay ye saliqa ghazal ke ehteram mein izafay ka bais hota he lekin adab o ehteram ki wo pabandi nahin jo naat mein lazim he-Yahan na sirf khayal ko saliqa diya jata he balkay alfaz bhi unhin munasbaat se intekhab kiye jatay hein,agar naat mein ye baat pesh e nazar ho-
Adab ga heest zair e asmaan az arsh nazuk tar
nafas gum karda mi ayad junaid o ba yazeed een ja
To ishq ki sar masti ki kefiyaat aur jazbae josh e junoon ko lehjay ka saliqa aur naghmaat e qudsi ka tarannum mil jata he-Ghazal mein shayer apni parwaz e takhayyul ko sahara bana kar khoob ko khoob tar banata he jab ke naat go ki chashmaan e arzoo ahadees nabwi aur ayaat e quraani mein izhaar ka zareea aur saliqa dhoondti he-

Naat ki bunyad ishq e rasool he jis ke baghair shayeri namood o fun he-Namood o ijz nahin,iftekhar e sukhan he iftekhar e ishq nahin shikwa eadab tousha e akhrat nahin,jazbaat ki ubharti hui mouj he,raffat e adraak nahin,ghazal raffat e adraak tak rasaai se mehroom,naat arsh ki raffaton par khanda zan-Khud naat apna wasf is tarah bayan karti he-
Hay meray lafz lafz mein gar husn o dilkashi
Is ka ye raaz he mera maiyaar aap hein
yoon to rivayati ghazal aur naat ke darmian farq ki aur bhi misalain hein lekin in donon mein zamaan o makan thay na maah o saal,ghazal ka ye naseeb kahan-
IQTEBAAS(NAATIA ADAB MEIN TANQEED AUR MUSHKILAAT E TANQEED)By ADEEB RAI PURI