Only for Sabih Rehmani

Assalam-o-Alaikum,
Ham log yani Maulana Sohail Ahmad Quadri Sahib aur mai Mohammad Ahmad Quadri Janab Rashid Azam sahib k sath aap k daftar me 2 roz qabal yani 24/06/2010 ko mulaqat kar chuke hain. aur hamari khwahish thee k Maulana Sohail Ahmad Quadri Sahib ko aap aik mertabah sun len magar aap ki masroofiat k sabab aisa mumkin na hosaka .Shayad aap ko is bat ka andaza na ho, k india k naat go shayar aap ko aur aap k is channel yani Q TV ko kis had tak pasand karte hain, aur woh jab kisi wajah se pakistan aate hain to unki ye khawahish zaroor hoti hai k aik mertabah unhe bhi suna jata. Maulana Sohail Ahmad Quadri almaroof Sohail Paighamberpuri ko allah tabarak taala ne bahut izzato ikram se nawaza hai aur bihar ki sarzameen k deeni halqo me aapka nam bahut izzato Ehtram se liya jata hai. unhone jamia ahrafia mubarak pur se se fazil ki taleem haseel ki aur aap ko ye jan kar yaqeenan khushi hogi k Maulana Sohail Sahib Hafize Millat Maulana Abdul Aziz Sahib rehmatullahalaih (bani Misbahul Uloom al maroof Jamai Ashrafia Mubarak Pur) k aham Shagirdon me se hain. Aur Hafize Millat ko hi apna Peero Murshid bhi mana. Maulana Sohail Sahib ne Hafize Millat ki Shabo roz ki zindagi bahut nazdeek se mushahida kiya . aaj kal Madarsa Islamia Mohiul Uloom Shukla Toli Siwan me Sadar Mudarrish ki Hasiyat me fraiz anjam de rahe hain. Naat khawani bachpan se karrahe hain albatta Patna Radio Station se taqreeban har 6 mah bad taqreeban 25 salon se lagatar unhe bulaya jata raha hai. Sath hi natia mushayron me India k kafi shehron se unhe bulaya jata raha hai, sath hi hazrat aik behtareen moqarrir bhi hain .Maine koshish ki hai aik brief history aap k samne pesh kar doon. Aage aap behtar taur pe samjhte hain k aap unhe sunte hain ya nahi. agar aap aik mertabah unhe sun lete to unke liye ye bhi kafi tha k unhone sabih rahmani k samne naat parhne ki saadat hasil ki. wazeh rahe k hazrat sayed hain aur apni tarif khud karne k liye unka zarf unhe is bat ki ijazat nahi deta.
allah hafiz .
Syed Muhammad Ahmad Quadri (ahmad qadri)
Hi Guys Net cafe korangi no.5, Karachi.
0333-3858843