Sabih Rehmani sahib sey aik sawaal! Naat khawan Midhat e Mustafa karney kay paisey kiu wasool kartey hain!!!

Assalaam o alykum

Mohtaram Janab Hazrat Sabih Rehmani sahib madda zil aali R.A

Umeed hai aap kheriyat sey hu gay. Aaj main aik aisa sawaal lay kar yahaan hazir e khidmat huee hun jis ka ta'aluq ''Naat'' sey hai!

Naat parhney waley baghair nazraney kay ya yun keh lijiye baghair fixing kiye Naat parhney ko jatey hi nahin...Aisa kiu hai? kiya naat e pak Habib e Kibriya ki midhat nahin rahi sirf aik paisey kamaney ka khula zareeya ban gayee hai. har koi Naat ko parh kay apna fun baich raha hai aur uss sey paisa kamaa raha hai. uss main Naat likhney waley hun ya phir naat parhney waley ya phir naatoun ki isslaah karney waley hun sab kay sab paisoun kay pujaari ban kay reh gaye hain.

aap ka kaam naat par bohat hai aur umeed bhi hai kay aap wazahat kay saath iss par roshni bhi daalain gay, issi liye aap sey yeh sawaal karney chali aaee ab iss sawaal ka jawaab aap ko dena hi ho ga kisi wakeel ko mat bhaij di jiye ga....misaal kay tor par Zarnigar sahiba ko hi lay li jiye kiya zaberdast wakalat karti hain

Sahar4life

Janab Sabih Rehmani sahib

aap sey aik sawaal karney ki haqeer si jasaarat ki thi lekin aaj tak aap ney jawaab sey musharraf nahin farmaya. please jawaab sey zarur nawaaziye!

Thanks

Sahar4life

kiya yeh website sabih rehmani sahib ki nahin hai ya phir iss forum ko kholney ka maqsad sirf aik dikhawa hai shohrat paney ka aik khoobsurat zareeya?

iss forum ka matlab kiya hai jab iss par aik aam site user ko jawab sey mehroom rakha jata hai? yeh baat main teesri bar duhra rahi hun kiya sawaal karna mana hai iss forum par?

kiya mujhe jawab mil jaiy ga aik lamha e fikriya hai sab kay liye miley ga tou kab miley ya shaiyed kabhi nahin miley ga?

asalamoalykum
meri behan sab say pehlay to mazraat chahata hon k jawab main taqeer hoi main aapni masrofiyat k bais kam hi site par a pata hon behr hal aap ki site par nat say dil chaspi or taluq ko dekh kar khoshi hoi aap nay kai naat khawano ki videos bhi share ki hay is say andaza hota hay k aap ko naat shareef say khasa shaghaf hay allah aap k zoq ko mazeed isteqamat ata farmaye ameen ab aap k sawal ki taraf atay hain aap naat ka acha zoq rakhnay k bawajood naat khawanon say badguman hain or aap ko maloom hona chahiye k badghumani achi cheez nahi agar aap ehtiyat say kam laytay howay itna bhi keh daytin k kuch naat khwan to shayad aap ka ye sawal ziyada munasib ho jata , arz ye hay k ye ek aysa masla hay jis par pehlay bhi kai martaba baat ki gai hay tafseel main jaye baghaiyer sirf itna jan lain k agar koi naat khawan ye samajh kar raqam ka mutaliba karta hay k woh naat shareef parnay k payse lay raha hay to woh ghunah ghar ho ga or agar kisi nay us ko naat parnay k payse diye to woh bhi ghunah gar ho ga han agar koi naat khawan kisi say aapnay waqt ki qeemat talab karta hay to woh jayez hay umeed hay aap site par isi tarhan naat ki khidmat k liye mehnat karin gi aap ki sehat or salamati k liye duaa go hon

Sabih Rehmani wrote:asalamoalykum
meri behan sab say pehlay to mazraat chahata hon k jawab main taqeer hoi main aapni masrofiyat k bais kam hi site par a pata hon behr hal aap ki site par nat say dil chaspi or taluq ko dekh kar khoshi hoi aap nay kai naat khawano ki videos bhi share ki hay is say andaza hota hay k aap ko naat shareef say khasa shaghaf hay allah aap k zoq ko mazeed isteqamat ata farmaye ameen ab aap k sawal ki taraf atay hain aap naat ka acha zoq rakhnay k bawajood naat khawanon say badguman hain or aap ko maloom hona chahiye k badghumani achi cheez nahi agar aap ehtiyat say kam laytay howay itna bhi keh daytin k kuch naat khwan to shayad aap ka ye sawal ziyada munasib ho jata , arz ye hay k ye ek aysa masla hay jis par pehlay bhi kai martaba baat ki gai hay tafseel main jaye baghaiyer sirf itna jan lain k agar koi naat khawan ye samajh kar raqam ka mutaliba karta hay k woh naat shareef parnay k payse lay raha hay to woh ghunah ghar ho ga or agar kisi nay us ko naat parnay k payse diye to woh bhi ghunah gar ho ga han agar koi naat khawan kisi say aapnay waqt ki qeemat talab karta hay to woh jayez hay umeed hay aap site par isi tarhan naat ki khidmat k liye mehnat karin gi aap ki sehat or salamati k liye duaa go hon

wa salaam
bohat shukriya aap ney tasalli bakhsh jawaab diya hai jis kay liye aap ki teh dil sey mashkoor hun aur jahan tak Sabih Rehmani sahib badgumani ka taaluq hai tou yeh badgumani nahin hai balkey jab baat naat khawanoun ki aa rahi hai tou uss main iss aur uss ki takhsees mumkin hi nahin koi bhi shakhs barri uzzama nahin ho sakta jab tak baat clear na ho aur abhi aap ney jo baat clear ki hai woh masha'Allah aap ki had tak darust hai lekin bohat sey log aisey bhi hain bahir jo kuch aur kehney ki aur karney ki jasarat kartey hain misaal kay tor par:
1. mehfil kay paisey lena taqaza kar kay
2. kam hun tou unko ziyada karna
3. her mehfil ka alag rate batana
4. paisey kam hun tou mehfil sey hi inkar
5. paisoun kay liye aik sey zaaid mehfioun ka soda (astaghfirullah)
6. paisey kam milney par jhagra
yeh sach hai kay jab aap kahin door sey mehfil main pohunch rahey hun tou lazman bulwaney waloun ko yeh khasusi ehtamaam karna chahiye kay naat khawan aram sey mehfil main pohunch sakey lekin baqaida planing kay saath mehfiloun kay jo soday ho rahey hain aur jo rate barhaiy jatey hain dil ko azhad takleef milti hai aisi baatoun ko sun kar aap andaza nahin kar saktey. yehi waja hai kay mujhe aisi baat khol kay karni pari kiu kay yeh sirf aik masala nahin hai balkey iss sey mazeed masaail barh rahay hain jo log zara sa acha parh saktey hain unkay dimaghoun main paisoun ka keera guss jata hai kay mehfil kay liye bulao tou hazaar bahaney matlab wohi kay paisey dikhao ya batao tou aa jain gay. Allah tala sey dua hai kay aisey logoun ko hidayat naseeb farmaiy aur Habib Nabi kareem ka sahee manoun main adab aur muhabbat kay saath midhat karney ki tofeeq ata farmaiy ameen
Sabih Rehmani sahib agar aap ko meri kisi baat sey thaiss pohunchi ho tou maafi chahti hun umeed hai darguzar karain gay insha'Allah
thanks