Kiya QTV Naat Industry bana raha hai Bollywood kay muqablay main?

mujhe Zulfiqar Ali aik naat khawan ki hasiyat se bohat pasand hain, puraney parhney waloun main Khursheed Ahmed, Zahoori sahib,
Sabih Rehmani sahib bhi bohat acha parhtey hain masha'allah.

aur new naat khawanoun main awaazain tou bohat achi hain khaloos aur khoobsurat jazboun ka fuqdaan hai, kiya khoob bollywood kay gaanoun ki naqaali hai, QTV main aaney waley new boys gaanoun ki tunes kay ilawaa aur shaiyed unhain kuch ataa jataa hi nahin.

Kiya QTV Naat Industry bana raha hai Bollywood kay muqablay main? ch ch ch

kaisa bura waqt hai iss ummat e marhooma par kay naat e Nabi ko hi karobaar bana liya gaya jo sirf diloun ko ujala bakhshney aur murda roohoun ko zinda karney wali khoobsurat midhat e Nabi honi chahiye ussey youn sar e bazaar kar diya, kaisey na yeh muslim itney azaboun aur sailaboun sey guzrey kiu na uss par yeh mushkilaat aain kay uss ney naam e Muhammed salalaho alay hey wasalam ko hi baichna shuru kar diya aur woh bhi dankay ki chot par!

piyari behan aap nay yahan bhi sawal acha kiya hay or fikr mandi bhi jayez hay magar yaad rakhye kisi ki islah k liye bhi us say mukhatibat main narmi or hamdardi ka jazba zaroor zahir hona chahiye or ye masla sif qtv ka nahi ye humaray muashray ki ijtemai shakal hay hamain is ki islah karnay ki taraf sab ko mutawajoh karnwana chahiye magar hamdardi say khuch arsa pehlay jo namunasib cheezain naat khawani ka hisa ban gain thin ab alhamdulillah woh kaam ho gai hain duaa karin k ye suratay hal mazeed behtar ho

Sabih Rehmani wrote:piyari behan aap nay yahan bhi sawal acha kiya hay or fikr mandi bhi jayez hay magar yaad rakhye kisi ki islah k liye bhi us say mukhatibat main narmi or hamdardi ka jazba zaroor zahir hona chahiye or ye masla sif qtv ka nahi ye humaray muashray ki ijtemai shakal hay hamain is ki islah karnay ki taraf sab ko mutawajoh karnwana chahiye magar hamdardi say khuch arsa pehlay jo namunasib cheezain naat khawani ka hisa ban gain thin ab alhamdulillah woh kaam ho gai hain duaa karin k ye suratay hal mazeed behtar ho

bohat bohat shukriya Sabih Rehmani sahib mujhe apney jawab sey nawazney kay liye. Allah tala aap ko umr e khizer sey nawazay aur aap kay kaam main mazeed barkatain aur rehmatain daley Ameen
aap ka kehna bajaa hai bohat mazrat agar mera lehja kuch bura laga ho lekin yeh fitri baat hai kay aap jis sey muhabbat rakhtey hun uss kay hawaley sey kuch bura dekh aur sun hi nahin saktey aur yahan tou aaway ka aawaa hi bigra huwa hai kahain tou kis ko kahain poochain tou aakhir kis ko. aur masha'Allah jis tarah sey aap ney yeh forum tarteeb diya hai aur iss main kaam ho raha iss lehaaz sey aisi batoun ki islaah ki taraf tou lazman dehaan jata hai aur aap hi sar e dast aur sar e fehrist nazar aatey hain kay insha'Allah aur koi kuch karey na karey aap zarur kuch roshni daalain gay, bas itni si baat hai
Mehboob e kibriyaa ki midhat sahee maanoun main aap kartey hain bilashuba masha'Allah aur Allah tala sab janta hai lekin jo log nahin jantey unko iss baat ka ilm dena bhi bohat zaruri hai kay yeh bajaiy sawaab kay Allah kay ghazab ko dawat deney kay mutradef hai agar hum apney Nabi ko adab sey nahin pukartey kiu kay unki bargah tou jaiy adab hai jahan baad e sabaa bhi barey adab sey chalti hai aur farishtey aik nahin do nahin 70 hazaar farishtey unko salaam karney kay liye utartay hain aur un farishtoun ki bari aaj tak dubara nahin aaee aur hum jaisoun par Rab ney itna karam farma diya kay bar bar wahan ki hazri naseeb ho jati hai yeh karam hi tou hai.
thanks