Hamd baunwaan (Haazri) by Sadaf Mirza from Denmark

Yeh hamd Sadaf Mirza from Denmark ki aap sab ehbaab ki nazar...

HAAZARI.....

صدف مرزا

مجھے بھی جاناں حضور تیرے ہے حاضری کا جنون یوں بھی

سبب بھی اس کے ہزارہا ہیں

کبھی جو کرب و ابتلا کی طویل راتوں کا دشتِ ظلمت

پائے شکستہ کے حوصلوں کی ہنسی اڑائے

کبھی جو یا س و غم و الم کا بسیط سا ، یہ اک بحرِ حسرت

مرے سفےنہ آرزو کی غرقابیوں کا ساماں ہو جائے

کبھی ملال و حزن کا سورج سوا نیزے پہ بھی آن ٹہرے

ارادوں ، خوابوں کا تن جلائے

کبھی مقدر کا آسماں یہ، شجرِسعی پےہم پہ یکدم

تیرے ارادوں اور فیصلوں کی

جاں سوزاک بر ق، ہر پل گرائے

میرے یقیں کے اداس آنگن میں ماہِ تاباں کبھی نہ اترے

تائید و نصرت کا کوئی تارہ نہ جگمگائے

غموں کے پےہم محاصرے میں حضور تیرے اس حاضری کا

جنون مجھ کو بھی زندہ رکھے

نہ ایک پل بھی یہ میرے دل سے گمان گزرے

کہ رات کے اس پہر جو آﺅں

پشیمان و گریاں، میں لرزاں ترساں

جب تیرے در پر

تو ایسا نہ ہو کہ تُو خفا ہو

تُو بادشاہوں کا بادشاہ جو

دائم ہے زندہ، تا ابد قائم

نہ اونگھ تجھ کو نہ نیند آئے

ہے تُووہ حاکم، خود آخر شب جوآ پکارے

”ہے کوئی طالب، ہے کوئی نادم؟

ہے کوئی تائب، ہے کوئی سائل؟

ہے کوئی، مجھ سے جو مجھ ہی کو مانگے؟

ہے کوئی ، چل کے قدم ایک آئے؟

تو میں آﺅں دامانِ رحمت پسارے

بارانِ لطف و عطا اس پہ کر دوں

ردائے جُودو سخاوت مےں لے لوں!

ساعتِ بے اماں میں، پناہ اس کو دے دوں“

رحیم جاناں، کریم جاناں

مری چشمِ ترکو بھی اتنی خبر ہے

خبیر ہے تُو، بصیر ہے تُو

مری لب کشائی سے پہلے ہی تجھ کو

سبھی ان دکھوں سے مرے آگہی ہے

حصارِدھڑکن سے کر کے بغاوت

جو احساس کی سرحدوں تک نہ آئے

مرے ان غموں کی بھی تجھ کو خبر ہے

جو دل نے مرے آنکھ کو بھی مری آج تک نہ بتائے

وہ اشک بھی تُو نے گن لئے ہیں

صد آفریں! جومرے ضبط نے آج تک نہ بہائے

مرا دامنِ صبر، دا غ ِ شکایت سے آلودہ بھی آج تک نہ ہوا

اک سائبانِ شکر و عنایت میں

شکوے گلے دل نے سارے دبائے

تماش بیں، تیری فنکار دنےا سے

رِستے سبھی زخم دل نے چھپائے

علیم ’‘بذاتِ ا لصُّدُو رجاناں

حضور تیرے جب میں جھکوں تو

ہر مُوئے تن سے صدا یہ آئے

غفور جاناں، صبور جاناں

تُو نسبتوں کا غرور جاناں

نہیں ہے دل سے تُو دور جاناں

بلا لے اپنے حضور جاناں

دے حاضری کا سرور جاناں

bohot pyarey asharr hein subhanallah!

Kya khoob kaha hay,
sadqay mein aisay qalam pe
jisnay ye likha hay,
uss Zaat ke huzoor
her insaan jhuka hay
kya khoob meri behn nay
ye hamd likha hay
kya khoob likha hay.[center]