Duaa by Sadaf Mirza from Denmark

دعا

صدف مرزا

تعجب تو مجھے بھی ہے
دعائیں کیا صرف سختی کے موسم میں ہی ہوتی ہیں؟
جبینیں کیا صرف سنگِ درِ کعبہ پہ جھکتی ہیں
تو شرفِ باریابی کی سند پا کر ہی اٹھتی ہیں ؟
کیا اُس سے بات کرنے کو قیام الیل
کی شرطوں کے دریا سے گزرنا ہے؟
صدا دینے سے پہلے چھلنی میں کیا پانی بھرنا ہے؟
یہ شیخ و واعظ و وُرثائے دیں کی حد بندیوں سے
کہیں بالا، کہیں برتر، فو ق و ماور ا جذ بہ
مُقدّس دل کی تنہائی میں وہ اکثر اترتا ہے
مُطہّر روح کے ایوانوں میں اکثر ٹھہرتا ہے
وہ نیت کے ارادے کے عزائم کو سمجھتا ہے
لبوں سے جو ادا نہ ہو، وہ سرگوشی بھی سُنتا ہے
مقدّر کو نہ بدلے تو مقاصد کو بدلتا ہے
وہ شہ رگ سے کہیں آگے حریمِ جاں میں رہتا ہے
پُکارو سوز مندی سے تو وہ ہر ہر حرف سنتا ہے
جواب اس کا بھی دیتا ہے
وہ سر جھکنے سے پہلے ہی، وہ ہاتھ اٹھنے سے پہلے ہی
وہ لب ہلنے سے پہلے ہی کلی ” کُن “ کی کھلاتا ہے
زخموں پہ رکھتا ہے مرہم، وہ سارے گھا ﺅ بھرتا ہے
وہ دھڑکن کی زباں پر بے زبانی کے اسم سارے
اک اک کر کے سنتا ہے، سمجھتا ہے، پرکھتا ہے
ندامت کے ، خُجالت کے وہ بے آواز قطروں سے کئی گوہر بناتا ہے
یہ وہ در ہے جہان پہ جا کے کھوٹا سکہ چلتا ہے
ایماں میرا یہیں پہ آ کے اپنا رنگ بدلتا ہے
نہ دل سے بات جو نکلے، دعا وہ ہو نہیں سکتی
وہ پیشہ ور بھکاری کی
احتیاج سے بوجھل، احترام سے خالی،
صرف صدائے صحرا ہے

Subhanllah bhot hi pyari dua ha lekin aap sey aik request hai key
aap fonts big rakha karien or fonts style agar change kar sakti hein
to zror kareyga .words ko samjhney mein asani hogi